Сувар

Сарă çулçăллă парк хитререх

(Людмила Ильгузина, автор сăнӳкерчӗкӗ) Хӗле хатӗрленсе республикăри ялсемпе хуласенче субботниксем иртеççӗ юлашки эрнесенче. Кунсерен тăкăнакан çулçа пуçтарсасси кăна мӗн чухлӗ вăхăт илет. Анат Камăра ав çурт-йӗрпе коммуналлă хуçалăх ӗçченӗсене шкул ачисем те пулăшаççӗ çак ӗçре. Ак, тӗслӗхрен, 34-мӗш номерлӗ чăваш гимназийӗнче 10-мӗш класра вӗренекенсем иртнӗ эрнере «Çемье» паркра ӳкнӗ çулçăсене...

(Людмила Ильгузина, автор сăнӳкерчӗкӗ) Хӗле хатӗрленсе республикăри ялсемпе хуласенче субботниксем иртеççӗ юлашки эрнесенче. Кунсерен тăкăнакан çулçа пуçтарсасси кăна мӗн чухлӗ вăхăт илет. Анат Камăра ав çурт-йӗрпе коммуналлă хуçалăх ӗçченӗсене шкул ачисем те пулăшаççӗ çак ӗçре. Ак, тӗслӗхрен, 34-мӗш номерлӗ чăваш гимназийӗнче 10-мӗш класра вӗренекенсем иртнӗ эрнере «Çемье» паркра ӳкнӗ çулçăсене пуçтарчӗç. Иртен-çӳренсенчен хăшӗ-пӗри парк сарă çулçăпа илемлӗрех пулни пирки каларӗ, теприсем ачасене тавралăха тирпей кӳнӗшӗн тав турӗç. Шкул ачисем туслăн ӗçленине паркра уçăлса çӳрекен вырăнти фотограф та асăрхамасăр иртсе каяймарӗ, асăнмалăх сăнӳкерчӗк турӗ.

Нравится
Поделиться:
Реклама
Комментарии (0)
Осталось символов: