Сувар

Ачалӑхран пуҫланнӑ туслӑх чи ҫирӗппи

Илемлӗ наци костюмӗсем, халӑх юррисем, хӗрӳ ташӑсем фестивале чӑн-чӑн халӑхсен туслӑхӗн уявне ҫавӑрнӑ

 

Ултӑ ҫултан пуҫласа 16 ҫула ҫити 200 ачана яхӑн "От чистого истока" фестиваль-конкурсӑн суйлав тапхӑрне хутшӑннӑ. Вӑл Сургут районӗнчи Федоровский поселенире февралӗн 9-мӗшӗнче иртнӗ.
"От чистого истока" проекта Юграра Хантыпе манси автономи округӗнчи Чӑваш наципе культура "Туслӑх" центрӗ Президент гранчӗпе ирттерет. Ӑна Сургут хула администрацийӗ тӗрев парать.
Федоровкӑри "Премьер" культурӑпа кану центрӗ ҫак кун тӗрлӗ халӑхӑн пултаруллӑ ачисене пуҫтарнӑ: вырӑссем, украинсем, чӑвашсем, азербайджансем, марисем, пушкӑртсем, удмуртсем, нухайсем, эстонецсем тата ыттисем.
Конкурсра ачасем "Юрӑ," "Ташӑ", "Илемлӗ сӑмах", "Инструмент каласси" номинацисемпе 36 пултарулӑх номерӗ кӑтартнӑ.
Илемлӗ наци костюмӗсем, халӑх юррисем, хӗрӳ ташӑсем фестивале чӑн-чӑн халӑхсен туслӑхӗн уявне ҫавӑрнӑ. Пӗчӗк конкурсантсем тӑхтавсем вӑхӑтӗнче пӗр-пӗринпе паллашса туслашнӑ.
Татьяна Кузьмина сӑнӳкерчӗкӗсем

Следите за самым важным и интересным в Telegram-канале Татмедиа


Нравится
Поделиться:
Реклама
Комментарии (0)
Осталось символов: