Анат Чакăра 16-ри хӗр ача юр айне пулнă
Мартăн 13-мӗшӗнче Çӗпрел районӗнчи Анат Чакă шкулӗн тăрринчен 16-ри хӗр ача çине юр шуса аннă. Йывăр аманнăскере Республика клиника больницинех ăстама тивнӗ.
Инкек мартăн 13-мӗшӗнче шкул территорийӗнче кăнтăрла 13 сехетсен тӗлӗнче пулнине хыпарлать ТР прокуратурин пресс-служби. Çурт тăрринчен сасартăк шуса аннă юр алăк умӗ çине ӳкнӗ те йывăрăша чăтаймасăр тимӗр конструкци ишӗлсе аннă. Шел, çав самантра çывăхра ачасем тăнă.
Юр айне пулнă 16-ри хӗрӗн пуç мимийӗ суранланнисӗр пуçне тата йӗтес шăмми те хуçăлнă. Ăна малтан районти тӗп больницăна илсе кайнă, ун хыççăн Республикăри ача-пăча больницинех леçме тивнӗ. Çывăхра тăнă тепӗр икӗ ача аманман.
Хальхи вăхăтра çак инкек енӗпе РФ Уголовнăй кодексӗн 293-мӗш статйин пӗрремӗш пайӗпе ( «явапсăрлăх») уголовнăй ӗç пуçарнă. Пулса-иртнин сăлтавӗсене тӗрӗслеççӗ. Инкеке прокуратура хăй тимлӗхне илнӗ.
(Сăнӳкерчӗк ТР Прокуратурин пресс-службин).
Следите за самым важным и интересным в Telegram-каналеТатмедиа
Нет комментариев