АНАТ КАМĂНА ÇӖНӖ ÇУЛ ХĂВĂРТРАХ ÇИТЕТ

Ăçта мӗнле пуль те, Анат Камăра Çӗнӗ çул тата çывăхрах. Çулталăкри чи хаваслă уява кунта Çӗнӗ çул трамвайӗ çывхартать. Паянтан хула тăрăх хаваслă трамвай çӳреме пуçланă иккен. Яланхи пекех «Горэлектротранспортăн» пӗрремӗш представленийӗ тӳлевсӗр пулнине пӗлтерет «Татар-информ» ИА. Пӗрремӗш пассажирсем (хулари инвалид ачасем) Çӗнӗ çул халапӗн геройӗсемпе пӗрле хула тăрăх çӳресе тӗрлӗ конкурса хаваспах хутшăнаççӗ. Вӗсене пурне те Хӗл Мучи парнепе савăнтарать. Çӗнӗ çулхи кану кунӗсенче çак трамвайпа хула тăрăх хаваслă çулçӳреве пин-пин ача тухӗ. ( Сăнӳкерчӗк mindortrans.tatarstan.ru сайтран).

).