Атăлта кун чухлӗ шыв чакни тахçанах пулман

Хусан Кремлӗнче Атăлпа Куйбышев шыв хранилищисенче шыв шайӗ чакнипе канăçсăрланнă. Кун пирки Правительство Çуртӗнче иртнӗ брифингра Хусан Кремлӗн официаллă представителӗ Л.Галимова пӗлтерчӗ. Шыв чакнин инкекӗ пысăк: биоресурссем вилсе чакаççӗ, шыв-шурсем вараланаççӗ, кимӗ-карапсен çӳревӗ чăхăмлать. Апрель уйăхӗн вӗçӗнче ку ыйтупа ТР Президенчӗ Р.Минниханов РФ экологи министрне Д.Кобылкина Жигулевскпа Волгоградри гидроузелсенчен анатри Атăла шыв антарассин графикне улăштарма ыйтса çыру янă. Лару-тăру çивӗчленнипе майăн 7-мӗшӗнче Мускавра регионсен хушшинчи канашлу та иртнӗ. Унта ТР экологи министрӗ А.Шадриков шыв антарассине июнӗн 15-мӗшӗнчен 9-мӗшне куçарма ыйтнă. Ку пурне те тивӗçтермесен те тутарстансен сӗнӗвне йышăннă.