Çарăмсан районӗнче ферма çуннă

Апрелӗн 17-мӗшӗнче ирхине Çарăмсан районӗнчи Лашманка ялӗнчи ӗне ферминче пушар тухнине хыпарлать «Татар-информ» ИА. «Лашманка» пушар сӳнтерекен уйрăм ӗçченӗсем вăхăтра çитсе 25 минутрах пушара сӳнтернӗ. Телее, выльăхсем те, ферма ӗçченӗсем те çав вăхăтра фермăра пулман. Выльăхсене ирех кӗтӗве хăваласа ӗлкӗрнӗ. Специалистсен шучӗпе, пушар электрооборудованипе тӗрӗс усă курмалли правилăсене пăснипе тухма пултарнă.