«Чăваш романӗ» III литература конкурсӗ иртет

Конкурса тăратакан хайлавсен тематики ирӗклӗ, калăпăшӗ – А4 форматпа 700 страницăран ытла мар.

Уйрăм страницăсенче:

1) авторăн ятне-шывне (литературăри псевдонимне, паспортри ячӗпе хушаматне);

2) хайлав ятне чăвашла тата вырăсла;

3) хайлавăн кӗске аннотацине чăвашла тата вырăсла;

4) автор адресне, телефон номерне, электронлă почтине (пур пулсан);

5) авторăн чăвашла тата вырăсла çырнă кӗске биографине хатӗрлесе памалла.

Конкурс ӗçӗсене 2025 çулхи кăрлач уйăхӗн 15-мӗшӗнчен пуçласа кăçалхи юпа уйăхӗн 1-мӗшӗччен (авăн уйăхӗн 30-мӗшӗнче юлашки кун йышăнаççӗ) fed_ol@mail.ru электронлă адреспа е почтăпа çак адреспа ярса памалла: 428019, Шупашкар хули, Иван Яковлев проспекчӗ, 13-мӗш çурт, Чăваш кӗнеке издательстви, «Чăваш романӗ» конкурса». Тӗплӗнрех Положенире паллашма пулать. Ăна Чăваш кӗнеке издательствин сайтӗнче «Акцисем» пайра вырнаçтарнă.

Чи интереслӗ хайлавсене кӗнекен хатӗрлесе кăларма тематика планне сӗнӗпӗр. Çырăр, хутшăнăр, вулакансене савăнтарăр! 

Ольга ФЕДОРОВА.

Автор сăнӳкерчӗкӗ.