Чăваш хӗрне орден медалӗпе чысланă!

Ӗнер, декабрӗн 8-мӗшӗнче, РФ Президенчӗ Владимир Путин  «COVID-19» коронавирус инфекцине хирӗç кӗрешсе пысăк ăсталăх кăтартнă медиксене «Тăван çӗршыв умӗнчи тава тивӗçлӗ ӗçсемшӗн» II степеньлӗ орден медалӗпе чысласси пирки Указа алă пуснă. Савăнса пӗлтеретпӗр, патшалăх наградине тивӗçнисен хушшинче пирӗн ентеш, чăваш хӗрӗ Лия Александровна Сухачева (хӗр чухнехи хушамачӗ Шишкина) та пур. Лия Александровна Çӗпрел районӗнчи Кивӗ Çӗпрел ялӗнче çуралса ӳснӗ, шкул хыççăн Киров хулинчи медицина институтӗнче вӗреннӗ. Хальхи вăхăтра Мускаври «Группа компаний «Медси» АОн 1№ Клиника больницин уйрăм ертӳçи, терапевт. Ентешӗмӗре пысăк наградăна тивӗçнӗ ятпа хӗрӳллӗн саламлатпăр, çирӗп сывлăх, ӗçре ăнăçу сунатпăр! (Çемье архивӗнчи сăнӳкерчӗк).