Сувар

ÇӖНӖ ПĂРĂНТĂК СЕКРЕТАРЬНЕ МЕДАЛЬ

Пысăк наградăна чăвашсенчен Çӗпрел районӗнчи Çӗнӗ Пăрăнтăк ял хутлăхӗн секретарӗ пулнă Алевтина Алексеевна Казакова тивӗçрӗ. ТР Президенчӗ Р.Минниханов ӗнер Хусанта иртнӗ съездра «Тутарстан Республикин вырăнти хăйтытăмлăх управленине аталантарнăшăн» медальпе чысларӗ. Саламлатпăр!

Тутарстан Республикин муниципаллă йӗркеленӗвӗсен канашӗн XIII съездӗнче çулталăкра тунă ӗçсене пӗтӗмлетсе малашлăха плансем палăртнисӗр пуçне вырăнти хăйтытăмлăх управленине аталантарас ӗçе хăйсенчен пысăк пай кӗртнӗ çынсене медальпе чысларӗç. Çак пысăк наградăна чăвашсенчен Çӗпрел районӗнчи Çӗнӗ Пăрăнтăк ял хутлăхӗн секретарӗ пулнă Алевтина Алексеевна Казакова тивӗçрӗ. Алевтина Алексеевна çак ӗçре 30 çула яхăн ӗçленӗ. Кăçал август уйăхӗнче кăна тивӗçлӗ канăва кайнăскер, шухăшӗпе халӗ те ӗçре-ха, ял çыннисене пурне те пулăшма хатӗр. Хисеплӗ ентешӗмӗре Алевтина Алексеевна Казакована  пысăк наградăна тивӗçнӗ ятпа эпир те саламлатпăр! Малашнехи пурнăçра та иксӗлми вăй-хал сунатпăр! (А.Казакова архивӗнчи сăнӳкерчӗк).

Следите за самым важным и интересным в Telegram-канале Татмедиа


Нравится
Поделиться:
Реклама
Комментарии (0)
Осталось символов: