Данила, эсӗ супер!

Иртнӗ вырсарникун НТВпа "Ты супер!" шоун 4-мӗш сезонне кӑтартрӗҫ. Унта Тутарстанри Мензелерен Данила Новиков юрларӗ.
Вӑл ӗнтӗ Игорь Крутой ертсе пыракан "Новая волна" фестивальте икӗ хут юрласа палӑрма ӗлкӗрнӗ –  тӗрлӗ номинацисенче ҫӗнтерӳҫӗ пулнӑ. Анчах ҫӗнтересси Данилӑн тӗллевӗ мар, арҫынача ыттисем мӗнле юрланине курасшӑн, ҫӗнӗ юлташсем тупма ӗмӗтленет.
"Ты супер" проект ҫамрӑк ҫӑлтӑрсене хӑйсен таланчӗсене палӑртса профессионаллӑ музыка карьеринче пӗрремӗш утӑмсем тума пулӑшать. Хутшӑнакансенчен хӑшӗ-пӗри хӑйсен ӗмӗтне тултарнӑ, атте-аннеллӗ пулса тӑнӑ. Мӗншӗн тесен ҫак вокаллӑ шоура юрлакан ачасен шӑписем ҫӑмӑл мар килсе тухнӑ.
Марат Хамидуллин