Географипе чемпионат пуçланать
Чемпионат пурӗ 6 тапхăртан тăрӗ: шкул, регион, федераци, Пӗтӗм Раççей, çурма финал тата финал. Хăш-пӗр турсем ятарлă темăпа иртӗç. Сетьре заданисене кăларнă хыççăн вӗсене шутлама йӗркелӳçӗсем 48 сехет параççӗ.
Раççейре пӗрремӗш хут 2019 çулхи январь уйăхӗнче географипе чемпионат пуçланать, ăна Вырăс географи обществи йӗркелет. ТР Вӗрентӳпе наука министерствин пресс-служби пӗлтернӗ тăрăх, интеллектуаллă ăмăртăва хутшăнма заявкăсене январӗн 14-мӗшӗччен йышăнаççӗ. «Географипе Раççей чемпионачӗ вăл – шкул ачисен командăпа иртекен онлайн-ăмăртăвӗ. Çавăн пекех конкурса 18 çултан пуçласа аслăраххисем те хутшăнма пултараççӗ. Командăра 2 çынран пуçласа 6 çын таран тăма пултарать», – тенӗ министерство пӗлтерӗвӗнче.
Чемпионат пурӗ 6 тапхăртан тăрӗ: шкул, регион, федераци, Пӗтӗм Раççей, çурма финал тата финал. Хăш-пӗр турсем ятарлă темăпа иртӗç. Сетьре заданисене кăларнă хыççăн вӗсене шутлама йӗркелӳçӗсем 48 сехет параççӗ. Пӗтӗмлетӳ тапхăрне çӗршывăн чи лайăх 25 командине суйласа илеççӗ. Çӗнтерӳçӗ географипе Раççейӗн абсолютлă чемпионӗ пулса тăрать.
«Паяна Раççейӗн 30 субъектӗнчен пурӗ 200 команда регистрациленнӗ, унсăр пуçне Египетри, Камбоджăри Раççейӗн посольствисенчен тата Белоруссирен заявкăсем килнӗ. Хутшăнакансен географийӗ кунсерен ӳсет», – пӗлтерет министерство. Çӗнтерӳçӗсене хаклă парнесемпе укçан сертификатсем кӗтеççӗ.
Çак конкурса Тутарстанри чăваш шкулӗсен командисем те активлă хутшăнасса шанас килет. Аса илтеретпӗр, заявкăсене январӗн 14-мӗшӗччен йышăнаççӗ. Сирӗн вăхăт пур-ха, кая ан юлăр!
Следите за самым важным и интересным в Telegram-канале Татмедиа
