ПИРӖННИСЕМ «ИКӖ ÇĂЛТĂР» КОНКУРСРА

Пирӗн пӗчӗк чиперук, Хусанти чăваш хӗрпӗрчи София Чаркина декабрь уйăхӗнче Хусанта иртнӗ «Нумай нациллӗ Хусан – Ачасем!» фестивальте çӗнтерчӗ кăна-ха, апла пулин те тепӗр çӗнтерӳ патне ăнтăлать. Паян вăл каллех сцена çине тухрӗ. Хальхинче амăшӗпе Сильвия Николаевнăпа пӗрле. Вӗсем Хусанти вӗрентӳ учрежденийӗсем хушшинче 2012 çултанпа çуллен иртекен ачасемпе педагогсен «Две звезды – учитель и ученик» вокал дуэчӗсен конкурсне хутшăнаççӗ.

Конкурсантсем малтан район тапхăрӗнче тупăшаççӗ, кайран хула шайӗнче. Вӗсен пултарулăхне виçӗ номинаципе (ача сачӗсем, шкул, хушма пӗлӳ учрежденийӗсем) хаклаççӗ. Софийăпа Сильвия Чаркинасем паян хăйсен пултарулăхне кăтартрӗç те ӗнтӗ. Иккӗшӗ пӗрле вырăс юррине пит шеп шăрантарчӗç. Маттур, конкурсра ăнăçу сунатпăр! (С.Чаркинан инстаграмри страницинчи сăнӳкерчӗк).