Керчьри колледжра теракт пулнă

Паян кăнтăрла тӗлӗнче Керчьри политехника колледжӗн столовăйӗнче взрывчатка сирпӗннине пӗлтереççӗ массăллă хыпар хатӗрӗсем. Çак вăхăтра столовăйра питӗ нумай çын пулни паллă.  Вырăнти телеканал иртен-çӳренсем пӗр арçын пӗрремӗш хутăн чӳречинчен çунакан бутылка ывăтнине курнине хыпарлать. Кун хыççăнах взрыв кӗрленӗ-мӗн. Взрыв умӗн пӗрремӗш хутра шаплатнă сасăсем те илтӗннӗ-мӗн, пӗр çамрăк пăшалпа персе çӳренӗ текен хыпар пур. Хальлӗхе паллă пулнă тăрăх, следстви паянхи инкеке теракт пек хаклать.  Çак вăхăт тӗлне 18 çын вилни, 50-шӗ сиенленни паллă.