Хальччен курман-пӗлмен юр кӗлетке те пулӗ-ха

Çӗнӗ çул уявӗ малалла тăсăлать. Чистай хулипе районӗнче пурăнакансем, юр кӗлетке тума юрататăр-тăк, январӗн 5-мӗшӗнче килте ан ларăр, Чистая васкăр. Кунти «Восток» культурăпа кану центрӗнче кăнтăрла юр кӗлетке фестивалӗ пулать. Унта хутшăнакансем пурте пӗлекен юр кӗлеткене те, хальччен пӗлменнине те, çитменнине хуть мӗнле тӗслипе пысăкăшлине те ăсталама юрать. Комисси юр кӗлеткесене «Мегаюркӗлетке», «Çемье юр кӗлетки», «Чи креативлă юр кӗлетке», «Чи чипер юр кӗлетке» номинацисемпе хаклаççӗ. Асăнмалăх парнеллӗ пулма кашнин май пур. (К. Малышев сăнӳкерчӗкӗ).