Хусанта 17-ри студентка çухалнă

Хусанта хальхи вăхăтра 17-ри студенткăна шыраççӗ. Вăл виçӗ кун каялла çухални пирки полицие амăшӗ пӗлтернӗ. Хӗр Балтаси районӗнчи Атня ялӗнчен, Хусанти Халăхсем хушшинчи сервис колледжӗнче пӗрремӗш курсра вӗренет, тара илнӗ хваттерте пурăнать. Анчах та темиçе кун каялла амăшӗпе вăрçăннă та ирхине вӗренме тухса кайнă. Паллах, хваттере вăл таврăнман, юлташӗсем те вăл ăçтине пӗлмеççӗ. Хӗр савнийӗпе пӗрле пулма пултарать.

Паллисем: çутă симӗс кӗске куртăка (е шупка хӗрлӗ тӗслӗ вăрăм плащ-пальто), хура ботинка тăхăннă, хăйпе пӗрле чечеклӗ пысăк сумка илнӗ.