Хусанта каллех автобуссене ГАИ чарать

Паян иртенпех Хусанти Горьковское шоссе патӗнче патшалăх автоинспекцийӗн сотрудникӗсем хуласем хушшинче халăха турттаракан автобуссене пурне те тӗрӗслеççӗ, тесе пӗлтерет «Татар-информ» ИА. Чăн малтан автобусăн юсавлăхне тата водитель пассажирсене турттармалли йӗркене пăхăннине тӗрӗслеççӗ. «Пирӗн тӗллев – аварисен шутне чакарасси»,– çапла ăнлантарнă хулари патшалăх автоинспекцийӗн технадзор уйрăмӗн пуçлăхӗ Алексей Евтодьев тӗрӗслевсен сăлтавне.  Енчен те водитель правилăна пăснă пулсан ăна административлă явап тыттараççӗ, автобус юсавсăр-тăк, тӳрех штрафстоянкăна ăсатаççӗ.