Хусанта халăхсен хушшинчи теннис ăмăртăвӗ пуçланчӗ

Тутарстанăн тӗп хулинче паян Kazan Cup 2020 халăхсен хушшинчи теннис турнирӗ пуçланчӗ. Ăмăртусем 19 çулчченхи юниорсен хушшинче иртеççӗ. Унта пурӗ 128 спортсмен хутшăнать.

Паянпа ыран квалификациллӗ тапхăрăн матчӗсем пулаççӗ. Турнирăн тӗп сетки тунтикун, октябрӗн 26-мӗшӗнче тытăнать. Тутарстан сборнăйне 13 спортсмен кӗнӗ. Çавсен хушшинче Андрей Бекетов, Давид Миннивалиев, Дмитрий Долженков, Владислав Гаврилов, Роберт Галиуллин, Арсений Хохлов, Елизавета Морозова, Амелия Тарасова, Вера Секерина, Ясмина Нигаметзянова, Милена Майорова, Милана Сафиуллина тата Милина Субханкулова кӗнӗ. Матчсем Хусанти Теннис академийӗнче иртеççӗ. Турнира курма кайас килсен унта тӳлевсӗрех кӗртеççӗ. Çын шучӗ кăна трибунăсем шăнăçтарнинчен 70 процент иртсе каймалла мар.

Ильнар Тухбатов сăнӳкерчӗкӗ.