Хусанта паян авиашоу!

Хусансемпе хăнасем! Паян килте лармалли кун мар, самолетсем мӗнле вӗçнине курас килсен «Хусан» çемье центрӗ патне кайма пуçтарăнăр. Раççей сывлăш флочӗн кунне халалласа кунта паян 15 сехетрен пуçласа 20 сехетчен «Я выбираю небо!» уяв иртет. Авиашоура 30 самолетпа вертолет хутшăнать. Çаплах  парашютистсен вӗçевӗ, мастер-классем , концерт  тата ытти нумай-нумай кăсăкли пулать.  Вӗçев программи 15.00 сехетре авиапарадпа пуçланать, унта Ту-160, Ту-95, Ту-22МЗ, Як-12, «Ансат», «Ми-8», «Ан-2», Bell-206B3 тата ытти самолетсемпе вертолетсем пулаççӗ. 16.00 сехетре тӳпере «Стрижи» пилотаж ушкăнӗ (пӗтӗмпе 6 истребитель) хăйӗн программине пуçлать. Анчах маскăсемпе перчетке илме ан манăр, унсăрăн уяв тӳремне кӗртмеççӗ.