Кӑштах кулӑш-2

 Чăнкă Мирунпа​ арăмӗ апата ларнă.​ Арăмӗ пӗр кашăк сыпса илет те куçӗнчен çутă тумламсем юхса анаççӗ. Яшки сыпма çук тăварлă иккен.
– Мӗншӗн макăратăн? – ыйтать Мирун.
– Анне çакăн пек яшкана питӗ юрататчӗ, ăна аса илтӗм те йӗрсе ятăм, – хуравлать хӗрарăм.
Мирун та яшкана сыпса пăхать, унăн та куççулӗсем юхса анаççӗ.
– Эсӗ мӗншӗн йӗретӗн тата? – ыйтать арăмӗ.
– Эпӗ те санăн леш тӗнчене ăсаннă, мана çакăн пек ним тума пӗлмен хӗрне тыттарса хăварнă аннӳне аса илтӗм çав, – тесе хучӗ тет Мирун.​ ​ ​ ​ ​ ​ ​ ​ ​ ​ ​ ​ ​ ​ ​
​ ​ ​ ​ ​