Кӑштах кулӑш - 6

Ăслă пулас тесен мӗн тумалла? – ыйтаççӗ Кукша Кӗркурирен.
– Сана ăслă çын мӗн те пулин каланине итлеме тăрăш. Хăвна итлеççӗ пулсан – хăвăн сăмахусене тăнла. Вара чăнах та ăслă çын пулса тăрăн, – хуравларӗ тет Кукша.
* * *
– Мирун, тӗлӗнетӗп санран. Кашни кунах ирхине ирех ӗçе тухса каятăн эсӗ. Хăвна çурт, автомашина, арăму валли чаплă кӗрӗк туянас, пӗр-икӗ хутчен Канар утравӗсем çине кайса килес тӗллевпе çеç хăвна ху çапла силлеме юрать-и вара? – тет Вӗçкӗн Ваççа Чăнкă Мирунпа тӗл пулсан.
– Çу-ук, тусăм, ирхине арăмран хăтăлмалли сăлтав кăна вăл, – лăплантарать тусне Чăнкă Мирун. ​

Евгений ТУРХАН хатӗрленӗ.