Кубок Васькино-Туйраллă каччисенче

Павлă тăрăхӗнче кăçал район пуçлăхӗн кубокӗшӗн мини-футбол енӗпе турнирсем ирттерме пуçланă, тесе пӗлтерет  Павлă районӗн «Слава труду» хаçачӗн сайчӗ. Унта районти ял хутлăхӗсен командисем хутшăнаççӗ. Маларах тăватă ялта – Исергаповăра, Александровкăра, Новозареченскра тата Кзыл-Ярта вăйăсем иртнӗ, октябрӗн 13-мӗшӗнче вара финала тухнă командăсем пӗр-пӗринпе тӗл пулнă. Тăватă команда – 32 çамрăк – чи лайăххин ятне илессишӗн кӗрешнӗ. Васькино-Туйраллă каччисене никам та çӗнтереймен – вӗсем чи нумай очко пухса пӗрремӗш вырăна тата район пуçлăхӗн куçса çӳрекен кубокне тивӗçнӗ. Иккӗмӗш вырăнта – Александровка футболисчӗсем, виççӗмӗш – исергаповăсем. ( Район хаçачӗн сăнӳкерчӗкӗ).