Мускавра пурăнакан чи илемлӗ пике – чăваш пики!
Мартăн 23-мӗшӗнче Раççейӗн тӗп хулинче иртнӗ «Мускав тата Мускав облаçӗн королеви» конкурсра Юлия Переверзева гран-при илме тивӗçнӗ.
Юлия Мускавра пурăнать. Вăл – нумай ача амăшӗ, кинопродюсер.
Хăй чăваш пулнине çамрăк хӗрарăм пытармасть. Унăн ашшӗ енчи тăванӗсем Чăваш Енре пурăнаççӗ. Юлия 11 çултан пуçласа 16 çула çитиччен Шупашкарта пурăннă, чăвашла вӗреннӗ, чăвашла ташлама та питӗ ăста.
Конкурса иртнӗ дефиле валли вăл чăваш тумне суйласа илнӗ.
«Эпӗ шăпах çак тумпа сцена çине тухма шутларăм, мӗншӗн тесен манăн йăх пулăшнине туятăп. Эпӗ хамăн йăх-несӗл тымарӗсене хисеплетӗп, нумай çынна чăваш наци костюмӗн тата чăваш культурин илемӗпе паллаштарасшăн», – пӗлтернӗ Юлия.
Сăнӳкерчӗк «Пуринчен малтан» телеграмм-каналтан.
Следите за самым важным и интересным в Telegram-каналеТатмедиа
Нет комментариев