Сувар

Пăвана Юрий Гальцев килет

Пӗчӗк Пăва хули май уйăхӗнче вăхăтлăха Нью-Йоркри Бродвея çаврăнассине пӗлтерет район сайчӗ. Май уйăхӗн 11-21-мӗшӗсенче кунта халăхсем хушшинчи театр фестивалӗ иртет.

Шучӗпе виççӗмӗш пулаканскер, ытти çулсенчинчен анлăрах та интереслӗрех пуласса шантарать фестиваль йӗркелӳçисенчен пӗри Раиль Садриев. Вăл каланă тăрăх, хальхинче театрсенчен пӗтӗмпе 67 заявка килнӗ, вӗсенчен 28-шне суйласа илнӗ. Кунсăр пуçне ют çӗршывсенчен: Таллин (Эстони), Кишинев (Молдова), Харьков (Украина), Ташкент (Узбекистан), Нови-Сад (Серби) пурӗ 8 театр ушкăнӗ килме кăмăл тунă. Раççейрен пӗрремӗш хут Ярославльти Волков ячӗллӗ тата Якути театрӗсене чӗннӗ. Пӗрремӗш фестивальтенех хутшăнакан Казахстан вара хальхинче харăсах виçӗ коллектив (Каракандаран, Актюбаран, Кокшетауран) ярать. Çавна кура фестивалӗн кунӗсенчен пӗрне кунта Казахстан кунӗ пек паллă тума шутлаççӗ. Уява Казахстанăн Раççейри представительне тата Тутарстанри генеральнăй консула кӗтеççӗ.

Театр çулталăкӗн савăнăçне Атăл ку енчи кашни район туять. Мӗншӗн тесен фестивале килекен театрсенчен 80 проценчӗ Пăва театрӗн сцени çине тухать пулсан, тепӗр 20 проценчӗ хăйӗн спектаклӗсене Теччӗре, Апасра, Кайпăçра, Камско-Устьере тата Кивӗ Çӗпрелӗнче кăтартать.

Çав 10 кун Пăва хули кăна мар, районти ялсем те театрпа пурăнаççӗ. Кашни ялăн Культура çуртӗнче çав вăхăтра спектакльсем пулаççӗ. Вӗсенче республикăри халăх театрӗсем спектакльсем лартаççӗ.  Адавра тутар артисчӗсем юрлаççӗ, тутарла спектакльсем пулаççӗ.

Фестивалӗн тӗп хăнисем вара хальхинче паллă Мускав артисчӗсем Виктор Сухоруковпа Юрий Гальцев юморист. А.Райкин ячӗллӗ эстрада театрӗн ертӳçти Юрий Гальцев «Шуры-муры», «Крокодил моего счастья» спектакльсемпе тата Путина пароди тăвакан Дмитрий Грачев квнщикпа килет. (Сăнӳкерчӗк Пăва район сайтӗнчен).

Следите за самым важным и интересным в Telegram-канале Татмедиа


Нравится
Поделиться:
Реклама
Комментарии (0)
Осталось символов: