Сувар

Пушкин юмахӗсем тӗрлӗ чӗлхепе янăрарӗç

Фарид Мухаметшин республикăра вырăс, тутар тата ытти халăхсен чӗлхисене аталанма условисем туса парасси хальхи вăхăтра питӗ пысăк пӗлтерӗшлӗ пулнине палăртрӗ

Кӗçнерникун Хусанти Муса Джалиль ячӗллӗ оперăпа балет театрӗнче Вырăс чӗлхин кунне тата А.С. Пушкин çуралнăранпа 120 çул çитнине халалланă пысăк концерт иртрӗ. Унта аслă поэтăмăр произведенийӗсенчи сюжетсемпе çыхăннă опера, балет пайӗсене кăтартрӗç. ТР Халăхсен Туслăх Çуртӗнчи наципе культура автономийӗсен представителӗсем те хутшăнчӗç пысăк концецрта.
Пухăннисене саламланă май, ТР Патшалăх Канашӗн Председателӗ, Халăхсен ассамблейин председателӗ Фарид Мухаметшин республикăра вырăс, тутар тата ытти халăхсен чӗлхисене аталанма условисем туса парасси хальхи вăхăтра питӗ пысăк пӗлтерӗшлӗ пулнине палăртрӗ. 

Реклама

Туслăх Çуртӗнчи вырсарни шкулӗнче вӗренекен ачасем Пушкин юмахӗсене каласа пани пурне те килӗшрӗ. Çак постановкăра Алина Садыкова, София Чаркина, Стефания Чаркина, Дарья Тукаева, Илья Тукаев, Кристина Романова, Кира Камзина, Моханнад Алхами тата Оскар Абсандзе хутшăнчӗç. 

С.Чаркина ярса панă сăнӳкерчӗксем

Нравится
Поделиться:
Реклама
Комментарии (0)
Осталось символов: