Пысăк ӳс, Тайруна!

Шупашкарта тин çеç çуралнă хӗрпӗрчине ашшӗ-амăшӗ хăйне евӗрлӗ ят Тайруна (автор ӗнентернӗ тăрăх, чăваш нацине пӗлтерет) панине хыпарлать чăваш халăх сайчӗ. Ленин районӗн администрацийӗн ЗАГС пайӗнче регистарциленӗ иккен ăна. Район пресс-служби пӗлтернӗ тӑрӑх, Тайруна сайра тӗл пулакан ятсен йышне кӗрет. Кунашкал ята пӗрремӗш хут регистрациленӗ кунта, унашкалли унччен пулман. Мӗн каламалла кун пек чух? Маттур! Чăнах та илемлӗ ят! Пысăк ӳс, Тайруна! (И.Кузьмина сăнӳкерчӗкӗ).