Республикăра 9 çӗнӗ онкоцентр уçаççӗ

Тутарстанра «Сывлăх сыхлав» нацпроектпа 9 çӗнӗ онкоцентр уçма, онкологи чирӗсенчен вилессине чакарас тӗллевпе çӳллӗ технологиллӗ медицина оборудованине туянма палăртнă. Кун пирки ТР Правительство Çуртӗнче иртнӗ брифингра Хусан Кремлӗн официаллă представителӗ Л.Галимова пӗлтерчӗ. Республикăра ракран вилесси 4 процента ӳснине ноябрӗн 14-мӗшӗнче Хусанта иртнӗ канашлура РФ Президенчӗн Атăлçири полпречӗ И.Комаров асăрхаттарнă. Çавăн хыççăн ӗнтӗ ТР Президенчӗ Р.Минниханов Сывлăх сыхлав министерствине мерăсем йышăнма хушнă та.