Сувар

Р.Минниханов: «Коронавируспа çыхăннă лару-тăру республикăра çивӗч»

Коронавируспа çыхăннă лару-тăру республикăра çивӗчленсе пырать. Чирлекенсен шучӗ ӳсет.  ТР Правительство Çуртӗнче иртнӗ канашлура паян çак ыйтăва сӳтсе явнă.

ТР Президенчӗ Рустам Минниханов сăмахӗсемпе, Тутарстанра коронавируспа чирлекенсен шучӗ эрнесерен 0,5-0,6 процент ӳссе пырать. Лару-тăру тата та япăхланассинчен пире санитари требованийӗсене çирӗп пăхăнни çеç хăтарма пултарать.

«Чи малтан, паллах, маскăпа çӳремелле, алăсене час-час çумалла тата антисептикпа сăтăрмалла. Социаллă дистанци пирки те манмалла мар», – тенӗ канашлура Президент.

Рустам Нургалиевич сăмахӗсемпе, Тутарстанра çирӗп чарусем кӗртме хальлӗхе сăлтав çук: «Лару-тăру çивӗч, анчах та пирӗн сывлăх сыхлав системин чирлисене сиплеме халӗ çителӗклӗ-ха. Койкăсем те çителӗклӗ, эмелсем те».

Р.Минниханов сиплев препарачӗсемпе тивӗçтерессипе çыхăннă  ыйтусене ку эрнере аптека сечӗсен представителӗсемпе сӳтсе явни пирки те аса илтернӗ. «Кун пек чух чи кирли – вăхăтра пӗлтерни. Енчен те сывлăх тӗлӗшпе йывăрлăхсем пур-тăк, çакă госпитале выртмаллах тенине пӗлтермест. Пирӗн ӗçе кӗртнӗ регламент, эмелсен переченӗ пур. Ку енчен пирӗн йăлтах йӗркеллӗ», – тенӗ вăл.

Роспотребнадзорăн Тутарстанри Управленийӗн ӗçченӗсем эрне хушшинче 651 объекта тӗрӗсленӗ. 51-шӗнче коронавирус профилактикипе çыхăннă требованисене пăснине палăртнă. Йӗркене пăсакансен енӗпе 59 протокол çырнă.

Рустам Минниханов республикăри предприятисемпе организацисен ертӳçисене ӗç коллективӗсенче ковида хирӗçле мерăсене, гриппа ОРВИ чирӗсен профилактикине пăхăнассине çирӗп тытса пыма сӗннӗ.

 

 

 

Следите за самым важным и интересным в Telegram-канале Татмедиа


Нравится
Поделиться:
Реклама
Комментарии (0)
Осталось символов: