Санкт-Петербург чăвашӗсем диктант çырнă

Ноябрӗн 3-мӗшӗнче «Пысăк этнографи диктанчӗ» VI Халăхсен хушшинчи çутӗç акцийӗ пуçланчӗ. Ленинград облаçӗн Туслăх Çуртӗнче диктант çырас текенсем валли ятарлă площадка ӗçлерӗ.

Мероприятие санитарипе эпидемиологин пӗтӗм нормисене пăхăнса ирттерчӗç. Этнографи диктантне Ленинград облаçӗпе Санкт-Петербург хулин Чăваш наципе культура автономийӗн представителӗсем те хастар хутшăнчӗç. Куçăн майпа мероприятие вакцинаци тунине е юлашки ултă уйăхра коронавируспа чирлесе ирттернине ӗнентерекен QR-код, ПЦР-тест пуррисем хутшăнма пултарчӗç. Чăвашсенчен диктант çыракансем эпӗ – Чăваш наци конгресӗн Ленинград облаçӗнчи тата Санкт-Петербург хулинчи полномочиллӗ представителӗ, Ленинград облаçӗн кӗпӗрнаттăрӗ çумӗнчи Канашăн пайташӗ Валериан Гаврилов, Чăваш культура обществин председателӗн çумӗ Евгений Павлов тата Чăваш Ен Хӗрарăмсен союзӗн Санкт-Петербургри уйрăмӗн пайташӗ Оксана Гаврилова хутшăнтăмăр. Акцие çавăн пекех шыв çинчи поло енӗпе чапа тухнă Олимп чемпионки Анастасия Симанович та хутшăнма кăмăл тунă.
Диктант çыракансен 45 минут хушшинче 30 ыйту çине хуравламаллаччӗ. Ӗçе вӗçлесен хутшăнакансене пурне те мӗн чухлӗ балл пухнине каласа сертификатсем пачӗç.

Автор сăнӳкерчӗкӗнче: Питӗр чăвашӗсем диктантра.