Сăваплă ĕçре чикĕ çук

Çӗпрел районӗнчи Çӗнӗ Шăхалӗнче паян паллă кун, Хусан тата Тутарстан митрополичӗ Феофан пилленипе ял чиркӗвӗн хӗресӗпе куполне çӗннипе улăштарчӗç. Çак сăваплă ӗçе ял халăхӗн вăйӗпе тата Чăваш Енри Патăрьел районӗнчи Туçа ялӗнчи чиркӳ пачăшкин Николай Марков протоиерейӗн пулăшăвӗпе пурнăçланă. Çӗнӗ куполпа хӗресе вара Туçа прихутӗнче ӗçлекен маçтăрсем Федор Марков, Николай Плешков, Алексей Думилин, Николай Курицын ăсталанă. Йăла тăрăх, çӗнӗ куполпа хӗресе пачăшкăсем ирпе ирех светить турӗç. Халăх та пухăнчӗ.

Çӗнӗ Шăхаль чиркӗвӗн настоятелӗ Владимир протоиерейпе ял халăхӗ çак Патăрьел ăстисене тата Николай аттене чӗререн тав туса малашнехи сăваплă ӗçӗсем те ăнса пырса илем кӳме сунаççӗ. (Владимир Кудрявцев протоиерей сăнӳкерчӗкӗсем).