Шанчăклă туссем кашни районра пур
«Сувар» хаçат редакцийӗн шанчăклă тусӗсем республикăри кашни районтах пур. Çарăмсан районӗнче вӗсен шутне Чăваш наципе культура центрӗн председательне Лидия Кваковăна кӗртмелле
Вăл Акрелӗнче пурăнать, çак ялти Культура çурчӗн директорӗнче ӗçлет. Районта мӗнле мероприятисем ирттерессине пире пӗлтерсех тăрать. «Сувар» республика хаçачӗ пулнăран пӗр вăхăтрах эпир пур çӗре те çитейместпӗр. Ку чухне пулăшаççӗ те пире туссем. Çарăмсанра пурăнакан чăвашсем хаçат ирттерекен конкурссене хастар хутшăнаççӗ, нумай чухне çӗнтереççӗ. Ак хальхинче те Аслă Çӗнтерӗве халалланă конкурсра çӗнтернӗ Оксана Красновăна парне çитермеллеччӗ. Ку тивӗçе те Лидия Дмитриевна хаваспах пурнăçлама пулчӗ. Пысăк тав ăна уншăн. Пирӗн парнесене июлӗн 30-мӗшӗнче Йăвашкелне çитерсе те пачӗ. Çакăн пек туслă та шанчăклă çыхăну кашни районти ялпах малашне те йӗркеленсе аталанса пырасса шанас килет.
Ирина ТРИФОНОВА,
тӗп редактор.
Л.Квакова сăнӳкерчӗкӗ.
Следите за самым важным и интересным в Telegram-каналеТатмедиа
Нет комментариев