ШОЙГУ ХУСАНТА МӖН ТĂВАТЬ?

Январӗн 30-мӗшӗнче Хусана РФ оборона министрӗ Сергей Шойгу килчӗ. Ăна ТР Президенчӗ Рустам Минниханов кӗтсе илнине пӗлтерет, республика ертӳçин пресс-служби. Тепӗр кунхине Сергей Шойгу Хусанти авиазаводра çар транспорчӗн, инçет, ятарлă тата вӗренӳ авиацийӗн ыйтăвӗсемпе канашлу ирттерчӗ. Оборона министрӗн сăмахӗсемпе, патшалăхăн оборона пултарулăхне çирӗплетессинче Тутарстанăн тӳпи пысăк, Хӗç-пăшал Вăйӗсене çӗнӗ çар техникипе тивӗçтерессинче те. С.П.Горбунов ячӗллӗ авиаци завочӗн модернизацине 33 миллиард тенкӗ уйăрнине палăртса хăвармалла. (tatarstan.ru сайтран).