"Сувар" хаҫатӑн экс-редакторне футбол командине йыхравланӑ

Юлашки вӑхӑтра редакцине Константин Малышев ӑҫта ӗҫлеме куҫни пирки нумай ыйту килет. Вулакансене лӑплантаратпӑр, вӑл хаҫатпа ҫыхӑнӑва татма шутламасть. 

Ҫав вӑхӑтра "Сувар" футбол клубӗнчен пӗлтернӗ тӑрӑх, команда капитанӗ Виктор Гудков Константин Анатольевича Республикӑри лигӑра футбол выляма сӗннӗ. Командӑра ҫурма-хӳтӗлевҫӗсем ҫитменни сисӗнет. Малышев валли ятарлӑ формӑ та хатӗр. Анчах тухӗ-ши экс-редактор ӑна тӑхӑнса "Суваршӑн" выляма? Вӑхӑт кӑтартӗ.