Танксем хулара, бомбардировщиксем те

Хусанта паян ирпе ирех хула урамӗсем тăрăх Т-72, Т-80 танксем, БМП-2  бронетранспортерсемпе БТРсем тата Тăван çӗршывăн Аслă вăрçи вăхăтӗнчи «Катюшăпа» Т-34 танк пынине курсан нумайăшӗн чӳнӗ çӳçенсе илчӗ-тӗр, анчах та лăплантарма васкатпăр, шикленмешкӗн сăлтав çук. Хусан гарнизонӗ РФ Оборона министерстви Тутарстан Правительствипе пӗрле ирттерекен «Служба по контракту – твой выбор» акцие хатӗрленет. Çавăнпа Хусанти «Казан» Çемье центрӗ умӗнче паян иртенпех çар техники ларать, йӗри-тавра çар çыннисем çӳреççӗ.

Аса илтеретпӗр, асăннă акци шăматкун, октябрӗн 27-мӗшӗнче ирхине 10 сехетрен пуçласа 16 сехетчен пырать. Кунта Раççей çарӗ мӗнпе тата мӗнле пурăннипе хуть камăн та паллашма, салак пăттине тутанса пăхма май пур. Кунсăр пуçне Казанка юханшывӗ çийӗн, 13 çул каяллахи пекех, «Стрижи» пилотаж ушкăнӗ «Миг-29» бамбардировщиксемпе мӗнле вӗçнине тата сцена çинче Натана рэпер пултарулăхне курса савăнăпăр. (К. Малышев сăнӳкерчӗкӗсем).