Сувар

ТӖЛ ПУЛСА КАЛАÇНИ – САВĂНĂÇ

Красноярск крайӗнчи Чăваш наципе культура автономийӗ ноябрӗн 21-мӗшӗнче Красноярскри Ӗçпе Килӗшӳ Культура керменӗнче регионта пурăнакан чăвашсем валли мероприяти ирттерчӗ. Паллах, ăна санитарипе эпидемиологи требованийӗсене пăхăнса йӗркеленӗччӗ.

Мероприятин пӗрремӗш пайне автономин вице-президенчӗ пулнă Валентина Размановăна халалланăччӗ. Иккӗмӗш пая хатӗрленӗ чух вара  чăваш çырулăхӗ йӗркеленнӗренпе 150 çул çитнине тӗпе хунă. Регионти чăваш ансамблӗсем, ытти хастар çынсем тăрăшнипе сцена çинчен чăвашла тата вырăсла сăвăсем, юрăсем янăрарӗç. Уйрăмах аслисен «Дубравушка», «Подснежник», ачасен «Снежинка» ансамблӗсем хастар пулчӗç. Çавăн пекех мероприятие «Барвинок» украин хорӗн солисчӗ Федор Хазов та хаваспах хутшăнса хăйӗн пултарулăхӗпе савăнтарчӗ.
Культура керменӗнче çав кун чăваш литературин, РСФСР халăх, ЧР тава тивӗçлӗ художникӗн Владимир Мешковăн картинисен куравӗсене йӗркеленӗччӗ. Çавăн пекех ачасемпе аслисен хушшинче чăвашла сăвă вулассипе конкурс иртрӗ.
Çакăн пек мероприятисем регионти чăвашсене пӗрле пухăнса пӗр-пӗринпе тăван чӗлхепе калаçма, савăнма май параççӗ. Йăхташăмăрсем килӗсене кашнинчех тулли кăмăлпа саланаççӗ. Геннадий ХРАМОВ,
Красноярск крайӗнчи
ЧНКА ертӳçи. (Автор сăнӳкерчӗкӗ).

 

Следите за самым важным и интересным в Telegram-канале Татмедиа


Нравится
Поделиться:
Реклама
Комментарии (0)
Осталось символов: