Тутарстан хальхинче те аякра юлмарĕ

«Пирĕн Оренбург облаçĕнче пурăнакан кӳршĕсем пысăк инкеке лекнĕ. Тутарстан кун пек йывӑр самантсенче нихӑçан та айккинче юлмасть. Кӳршӗсене пулӑшу парӑпӑр», — çырнă хăйĕн Телеграмм-каналĕнче Рустам Минниханов.

Хусантан инкеке лĕкнĕ çынсен валли темиçе фурăпа ĕçмелли шыв ӑсатнине те пĕлтернĕ республика ертӳçи.

«Хальхи вăхăра пирĕн муниципалитетсенче вырнаçнă пулăшу пуçтаракан центрсенче гуманитари тиевӗ йӗркелеççӗ», — пĕлтернĕ Рустам Минниханов. 

Хусанта пулăшӑва (вырӑн хатӗрӗсене, харпӑр гигиена япалисене, нумай вӑхӑт хушши упранакан апат-çимӗçе, ӑшӑтмалли хатӗрсене, çавӑн пекех шкул хатӗрӗсене) Горький урамӗнче 12-мĕш çуртра вырнаçнӑ Гуманитари штабӗнче йышăнаççӗ.

Гуманитари штабӗ 9 сехетрен пуçласа 18 сехетчен ӗçлет. Гуманитари пулӑшӑвӗпе çыхӑннӑ ыйтусене уçӑмлатма +7 917 867 54 28 телефонпа çыхӑнма пулать.

Сăнӳкерчӗксем Рустам Минниханов  Телеграмм-каналӗнчен.