Хусанта апрелӗн 2–4 мӗшӗсенче энергетика форумӗ иртет
Тутарстанри Халăхсен хушшинчи «Энергопром» энергетика форумӗ «Казань Экспо» курав центрӗн площадкинче паян апрелӗн 2-мӗшӗнче уçăлнă. Церемоние РФ энергетика министрӗ Сергей Цивилев, ТР Раисӗ Рустам Минниханов, Таджикистан республикин энергетика тата шыв ресурсӗсен министрӗ Далер Джума хутшăннă.
Форум шайӗнче «KazanEnergyExpo» специализациленӗ энергетика куравӗ те ӗçлеме пуçланă. РФ энергетика министрӗ Сергей Цивалев, ТР Раисӗ Рустам Минниханов унта çитсе энергетика сферинчи çӗнӗлӗхсемпе паллашнă.
Раççейри 17 регионри тата ют çӗршывсенчен килсе çитнӗ 91 компани хăйӗн продукцине тата энергетикăри иноваципе цифра технологийӗсене куравра тăратнă.
Чи анлă та пысăк экспонат – «Дважды победители» стенд. Вăл Тăван çӗршывăн Аслă вăрçин çӗнтерӗвне энергетикăн конкретлă объекчӗсем пысăк тӳпе хывнине кăтартса парать. «Тăван çӗршывăн Аслă вăрçи хыççăн энергетика мӗнле аталаннине питӗ лайăх кăтартса панă» – тенӗ ТР Раисӗ экспозицие йӗркелекенсене тав туса.
ТР Раисӗн пресс-службин сăнӳкерчӗкӗсем.
Следите за самым важным и интересным в Telegram-каналеТатмедиа
Нет комментариев