Ылтăн пулсан та хурах çав

Пӗкӗлмери иртен-çӳренсем нумай пулмасть хура ылтăна курма та, алăпа тытса пăхма та пултарнă, мӗншӗн тесен кунти пӗр автозаправка çывăхӗнче çӗр çине нефть юхса сарăлнă. ЧП çинчен Пӗкӗлмери çутçанталăк сыхлавӗн обществăлла инспекторӗ экологсене шăнкăравласа пӗлтернине хыпарлать ТР Экологи министерствин пресс-служби. Çийӗнчех йӗркеленӗ тӗрӗслевӗн çак факта çирӗплетмелли кăна юлнă, кунта юплӗ арматура пушаннине пула чăнах та нефть юхса  50,5 тăваткал метр лаптăкри тăпрана вараланă иккен. Кăлтăка хăвăрт юсанă-ха, анчах вараланнă тăпрана пурпӗр илме тивнӗ. Нефть ылтăн пулсан та хурах вӗт, тăпрана усă кӳмест.  Нефть юхса тухса çутçанталăк сыхлавӗн законодательствине пăснă тӗслӗхе çирӗплететекен материалсене экологсем çутçанталăк сыхлавӗн районсем хушшинчи прокуратурине янă. (Сăнӳкерчӗк ТР Экологи министерствин пресс-службин).