Сувар

ЮРАМАН ВЫРĂНТА-ТĂК – ШТРАФ 4000 ТЕНКӖ

Çӗнӗ çул вăхăтӗнче çынсен тимлӗхне ӳстерес тӗллевпе декабрӗн 20-мӗшӗнчен пуçласа январӗн 10-мӗшӗччен республика территорийӗнче пушара хирӗç ятарлă режим пулать.

Декабрӗн 20-мӗшӗнчен Тутарстанра Çӗнӗ çул вăхăтӗнчи пушара хирӗç ятарлă режим пуçланать. Кун çинчен паян ТР Министрсен Кабинетӗнче иртнӗ брифингра Раççей МЧСӗн Тутарстанри управленийӗн председателӗн çумӗ Сергей Сергеев пӗлтернине хыпарлать «Татар-информ» ИА.

С.Сергеев сăмахӗсем тăрăх, Патшалăх пушар надзорӗ Тутарстан Правительствине декабрӗн 20-мӗшӗнчен пуçласа январӗн 10-мӗшӗччен республика территорийӗнче пушара хирӗç ятарлă режим кӗртме сӗннӗ. Çакă ятралă службăна пиротехника изделийӗсене упракан тата сутакан вырăнсене тӗрӗслеме, вӗсемпе çынсем йышлăн пуçтарăнакан, сирпӗнес, пушар тухас хăрушлăх пысăк вырăнсенче усă курма чарма тата пушар хăрушсăрлăхӗн правилисене пăхăнманнисене явап тыттарма май парать. Статистикăран курăннă тăрăх, Çӗнӗ çул вăхăтӗнчи инкексем шăпах  çынсен тимсӗрлӗхне е çăмăлттайлăхне пула тухаççӗ те. Çавăнпа çӳлерех асăннă сӗнӗве Тутарстан Правительстви пӗр çул та тимлӗхсӗр хăвармасть. Кăçал та çаплах пулӗ.  Аса илтеретпӗр, пушар хăрушсăрлăхӗн ятарлă режимне пăсакансене асăрхаттарнипе кăна ирттермӗç, 4 пин тенке çитиччен штраф тӳлеттерӗç. (Сăнӳкерчӗк «Татар-информ» сайтран).

Нравится
Поделиться:
Реклама
Комментарии (0)
Осталось символов: