Чи лайăх комбайнера суйлаççӗ

ТР Ял хуçалăхпа апат-çимӗç министерстви республикăра «Тутарстан агропромышленноçӗн чи лайăх комбайнерӗ» конкурс пуçланнине пӗлтерет. Конкурсăн тӗллевӗ – комбайнер профессийӗн сумне ӳстересси, тырçире пысăк кăтарту тунă комбайнера хавхалантарасси, техника паркӗпе эффективлă усă курасси тата, паллах, тырçие паха та хăвăрт ирттересси.

Ведомство кăçал чи нумай тырă вырассипе, çапассипе район, республика шайӗнче пӗтӗмпе 490 çӗнтерӳçе палăртать. Чи пысăк кăтарту тунă 240 комбайнера – 50-шар пин тенкӗ преми параççӗ. Вӗсене комбайнсен маркине кура ( 4 ушкăнра) палăртаççӗ. Çаплах 40 пин тенкӗ премие виçӗ ушкăнри косилкăпа çулакан 50 механизатор тивӗçет. Кунсăр пуçне конкурс пӗтӗмлетӗвӗсем тăрăх, районсенчи 200 комбайнера 30-шар пин тенкӗ премипе чыслаççӗ. (Г. Камалетдинов сăнӳкерчӗкӗ).