Халăх календарӗ – декабрь
1-мӗшӗ - халăх календарӗпе Платон тата Роман. Хӗлле мӗнле пулассине кăтартакан кун. Çавăнпа çанталăка сăнамалла. Енчен те кун ăшă-тăк, хӗлле те ăшă пулать, сивӗ-тӗк - шартлама сивӗсем, çиллӗ пулсан вара - тăманлă. Декабрӗн 1-мӗшӗнче çанталăк лайăх пулсан çуркунне ир килет, ăшă пулать тенӗ. 2-мӗшӗ - халăх календарӗпе Андриян. Хӗллехи вӗçен...
1-мӗшӗ - халăх календарӗпе Платон тата Роман. Хӗлле мӗнле пулассине кăтартакан кун. Çавăнпа çанталăка сăнамалла. Енчен те кун ăшă-тăк, хӗлле те ăшă пулать, сивӗ-тӗк - шартлама сивӗсем, çиллӗ пулсан вара - тăманлă. Декабрӗн 1-мӗшӗнче çанталăк лайăх пулсан çуркунне ир килет, ăшă пулать тенӗ.
2-мӗшӗ - халăх календарӗпе Андриян. Хӗллехи вӗçен кайăксем Çурçӗртен ир вӗçсе килчӗç пулсан, çанталăк сивӗтессе кӗтмелле.
3-мӗшӗ - Прокл. Çак кун юр çусан, июнӗн 3-мӗшӗнче çумăр çăвасса тенӗ ӗлӗк.
4-мӗшӗ - халăх календарӗпе хӗл хапхи - Введени. Çак кунччен çунă юр ирӗлсе пӗтет, хыççăн çунă юр çуркуннеччен выртать тенӗ.
5-мӗшӗ - халăх календарӗпе Прокоп тата Филимон. Çак кунран кăна çуна çулӗ пулса çитет-ха. Вӗçен кайăксен йăвине сăнамалла, унта утă-улăм, тӗк нумай-тăк - сивӗ хӗл пуласса.
6-мӗшӗ - Митрофан. Çак кунхи çанталăк июнь уйăхӗн 6-мӗшӗнчипе пӗр пек пулать тенӗ. Юр çусан, июнь уйăхӗн 6-мӗшӗнче те çумăрлă çанталăка кӗтмелле.
7- мӗшӗ. Халăх календарӗпе Катерина-санница, Кӗтернесен кунӗ. Ӗлӗк çамрăксем пуçласа çунапа ярăнма тухнă. Кӗтерне хӗрсене тата çемьене хӳтӗлет. Качча кайманнисем çак кун пулас упăшка мӗнле пулассине пӗлес шутпа юмăç янă. Çанталăк лăпкă-тăк, сивӗ хӗл пуласса кӗтмелле.
8-мӗшӗ - Климент. Тинех юр çути тавралăха çутатма тытăнать. Хир шăшийӗсем ялалла килчӗç-тӗк, шартлама сивӗсем пуçланаççӗ.
