Инвалидсене тӳлевсӗр пулăшу

Халăхсен хушшинчи инвалидсен кунне халалласа Тутарстан Республикин Юстици министерстви I, II тата III ушкăн инваличӗсене, инвалид-ачасене тата вӗсен законлă представителӗсене тӳлевсӗр юридически пулăшу парас енӗпе мероприятисем ирттерет. Хăйсене хумхантаракан ыйтусем çине хурав илес тесен инвалидсен декабрӗн 4-мӗшӗнче ТР Ӗç, ӗçлӗх тата социаллă хӳтлӗх министерствин «Восхождение» инвалидсен реабилитаци центрне (Хусан хули, Дубравная урамӗ, 43 В çурт) пымалла. «Экопарк Дубрава» обществăлла транспорт чарăнăвне çити 46 тата 95 номерлӗ автобуссемпе çитме пулать.

10 сехетрен пуçласа 13 сехетчен пыракан мероприятие тӗрлӗ министерствăсемпе ведомствăсен представителӗсем хутшăнаççӗ. Тӗплӗнрех ыйтса пӗлмелли телефон: (843) 223-02-13.