Кайăк-кӗшӗк грипӗ Куславккана çитнӗ

ТР Министрсен Кабинечӗ çумӗнчи Ветеринарин тӗп управленийӗ пӗлтернӗ тăрăх, паянхи кун тӗлне Раççейре кайăк-кӗшӗк грипӗ палăрнă 78 вырăна шута илнӗ, вӗсенчен 24-шӗ Тутарстанра. Самара, Пенза, Орел, Ростов, Смоленск, Курск, Саратов, Чулхула, Ульяновск облаçӗсенче, Чăваш Енре, Марий Элпа Удмуртире вилнӗ кайăк-кӗшӗкре çак чирӗн вирусне тупнă.

Шел те, июлӗн 30-мӗшӗнчен пуçласа августăн 6-мӗшӗччен хура списока Чăваш Енри Куславкка районӗнчи Çирӗклӗ ялӗ, Марий Элти Медевский районӗнчи Новый поселокӗ, Удмуртире харăсах икӗ ял кӗнӗ. Чир Тутарстанăн тепӗр чиккине çывхарнăран çынсене тимлӗрех пулма ыйтатпăр.