Сувар

Хӗре вăрласа та кӗчӗç...

Каччăсем хăнасем умӗнчех хӗре вăрласа та кӗчӗç...

Нурлатри Уяв кăçал Çемье, юратупа шанчăклăх кунӗпе тӳр килнӗрен, мероприятие тата çак куна та халалланăччӗ. Йӗркелӳçӗсем районти чи сумлă çемьене «Юратупа шанчăклăхшăн» награда панипе кăна çырлахмарӗç. Туй мешехипех палăртма шутланă. Çапла майпа Уяв карти хыççăн çул тӳрех «Туй кассинелле» выртрӗ. Ку площадка тата та интереслӗ те шавлăрах пулчӗ. Каччăсем хăнасем умӗнчех хӗре вăрласа та кӗчӗç. Çапла хамăр сисмесӗрех туя çаклантăмăр эпир. Чăн та, йӗркелӳçӗсем йăли-йӗркене кăштах хальхилетнӗччӗ. Ку вара туя тата интереслӗрех кăна турӗ. Тӗслӗхрен, эпир хӗр çумми пулма, каччă юлташӗсен каçӗнче ташлама та пултартăмăр. Элметсем пӗркенчӗклӗ хӗрпе качча чӗркуçлентерсе пил пани, çамрăксемшӗн ку утăм пурнăçри чи пысăк яваплăх иккенне асра тытмаллине пӗлтерчӗ.

Çарăмсансем çамрăк мăшăр валли пӳрт лартма хăйсем кăна мар, хăнасене те явăçтарни хăй пӗр кăсăк пулчӗ. Арçын-ертӳçӗсем алла пуртă тытса пура пурарӗç, ал пăчкипе пӗрене касрӗç. Çӗнӗ пӳрте Игнатий архимандрит кӗлӗ сăмахӗсем каласах пиллерӗ. Çапла темиçе минут хушшинче чăн-чăн чăваш туйӗнче пултăмăр. (Автор сăнӳкерчӗкӗсем).

Нравится
Поделиться:
Реклама
Комментарии (0)
Осталось символов: