Сувар

г. Казань

16+
Тӗп хыпар

Çӗршыв хӳтӗлевçисене халалланă ӳкерчӗксем кӗтетпӗр

Аслă Çӗнтерӳ кунӗ умӗн хаçатра çак темăпа ачасен хушшинче ӳкерчӗксен конкурсне ирттересси «Сувар» хаçатра ырă йăлана кӗчӗ. Кăçал, Аслă Çӗнтерӳ 80 тултарнă çул, паллах, ирттермесӗр пултараймастпăр Тăван çӗршыва хӳтӗлекенсене халалланă конкурса.

Эппин, хисеплӗ çамрăк вулаканăмăрсем, «Аслă Çӗнтерӳ. Никама та манман, нимӗн те манăçман» конкурса хутшăнма васкăр.

Мӗн тумалла-ха унта хутшăнас тесен? Хӳтӗлевçӗсене – Тăван çӗршывăн Аслă вăрçин, ятарлă çар операцийӗн паттăрӗсене – халалласа ӳкерчӗк тумалла та редакцие ярса памалла. Конкурса шкула кайман ачасенчен пуçласа пӗтӗмӗшле пӗлӳ паракан шкулта вӗренекенсем таранччен хутшăнма пултараççӗ. Ӳкерчӗке графика, этюд, плакат, живопись, урăхла каласан хуть мӗнле мелпе те тума юрать. 

Ӳкерчӗксене е почта урлă çырупа 420066, г.Казань, ул. Декабристов, д.2, Редакция газеты «Сувар» адреспа, е ӳкерчӗке паха сăн ӳкерсе хаçатăн suvar@mail.ruэлектронлă адресӗпе, е 89179076881 номерпе Ватсап урлă ярса памалла. Ӳкерчӗк авторӗн ячӗпе хушаматне, адресне, хăш ача садне е шкула çӳренине, миçе çултине, вӗрентекенӗ (воспитателӗ) кам пулнине палăртма манмалла мар. 

Конкурса янă ӗçсене 2025 çулхи майăн 11-мӗшӗччен йышăнатпăр, хаçатăн 12-мӗш страницинче пичетлетпӗр, социаллă сетьсенчи ушкăнсенче кăларатпăр. Конкурса июнь уйăхӗнче пӗтӗмлететпӗр.  

Ӳкерчӗксене ачасен çул ӳсӗмне кура тăватă категорие (4 – 6, 7 – 9,  10 – 13, 14 – 18 çултисем) пайласа çӗнтерӳçӗсене палăртăпăр, диплом тата асăнмалăх парне парса хавхалантарăпăр. 

Эппин, ӳкерчӗксем кӗтетпӗр сиртен, çамрăк вулаканăмăрсем! 

 

Редакци. 

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: конкурс Образование Газета «Сувар» патриотизм 2025 ГодЗащитникаОтечества 80-летие Великой Победы