Эсӗ пулсан çут тӗнче те илемлӗ!

Хаклă çыннăмăр, Пăва районӗнчи Кивӗ Мертлӗ  ялӗнче пурăнакан Лидия Алексеевна ЕРУСЛАНОВА, февралӗн 25-мӗшӗнче, 75 çул тултарчӗ. Юратнă аннемӗре сумлă юбилей ячӗпе чун-чӗререн  саламлатпăр! Пурнăç çулӗпе тата нумай-нумай çул утма çирӗп сывлăх, иксӗлми вăй-хал, тулли телей, тӗнчери мӗнпур ыррине сунатпăр. Анне! Эпир сана пурте питӗ юрататпăр. Малашне те пӗрре мар юбилей ирттермелле пултăрччӗ. Утас çулу яланах такăр пултăр, пурнăçри кашни самант савăнăçпа тултăр, сӗтелӳ çăкăр-тăвартан, кӗрекӳ çывăх çыннусенчен ан татăлтăр. Мӗн шухăшлани пурнăçлансах пытăр. Яланах хаваслă та çамрăк пул, чир-чӗр мӗнне пӗлмесӗр тăван кил ăшшине упраса нумай-нумай çул пурăн. Эсӗ пулсан çут тӗнче те илемлӗ!
Канлӗ пултăр ватлăху, пурнăç пултăр пыл та çу!
Савăк пултăр кăмăлу, пурнăçра ялан тату.
Çитсе пытăр ӗмӗтӳ, çиçсе тăтăр йăл куллу,
Турă панă пурнăçун такăр пултăр кун-çулу.
Икӗ хӗрӗпе кӗрӳшӗсем, ывăлӗпе кинӗ,
 9 мăнукӗ, 5 кӗçӗн мăнукӗ.