Сыв пул пылчӑк е Ӗмӗт пурнӑҫа кӗрет

Тутарстанра "Хӑрушлӑхсӑр тата паха ҫулсем" наци проектне пурнӑҫланӑ май, 2019 ҫулта 205 км ҫула юсаса ҫӗнетмелле. 

Программа Хусан е Ҫырчалли пек пысӑк хуласене кӑна мар, инҫетри районсене те пырса тивет. Кӑҫал Ҫӗпрел районӗнчи Чӑваш Паснапуҫӗнче тата Тутар Паснапуҫӗнче асфальт сараҫҫӗ. Чӑваш Паснапуҫӗнче такӑр ҫул икӗ урампа сарӑлса масар патнех ҫитет. 

Аслӑ Аксу ялӗнче урамсене чул сарса тикӗслеҫҫӗ. Вырӑнти хӑйтытӑмлӑх канашӗн пуҫлӑхӗ Алексей Храмов пӗлтернӗ тӑрӑх, асфальта ялта 2020-мӗш ҫулта чармалла.