Тӗнче чемпионкине хваттерлӗ турӗҫ

 Ульяновск облаçӗнчи 20 атлета нумай пулмасть спорт званийӗсем панă. Облаçри спортсменсене чыслас церемоние Чăнлă районӗнчи Ирçелӗнче çуралса ӳснӗ тӗнче чемпионки Инна Тражукова та хутшăннă.

– Çак çамрăксем – пирӗн пуласлăх, шăпах вӗсем регионри спорт йăлисене тытса пыраççӗ, – тенӗ спортсменсем пирки облаç кӗпӗрнаттăрӗ Сергей Морозов, – çамрăк чемпионсене хатӗрекен тренерсемпе педагогсене уйрăмах тав тăвас килет.

Ульяновск облаçӗнче физкультурăна аталантарас тата сывă пурнăç йӗркине пропагандăлас тӗллевпе чылай тӗллеве пурнăçлаççӗ. Регионри пултаруллă спортсменсене тӗрев парас мерăсем те анлăланаççӗ. Çапла, иртнӗ çул йышăннă облаç законӗ тăрăх, Чӗмпӗр тăрăхӗнчи спортсменсем ăмăртусенчи уйрăмах пысăк çитӗнӳсемшӗн çурт-йӗр туянмашкăн правительстворан укçа компенсацине илме пултараççӗ. ​ ​ ​ ​
2019 çулта ирӗклӗ кӗрешӳ енӗпе тӗнче чемпионкин ятне çӗнсе илнӗ Инна Тражуковăна Раççей Федерацийӗ умӗнчи тава тивӗçлӗ ӗçсемшӗн губернатор Чӗмпӗрти хваттер уççисене панă.

Астӑватпӑр, Бразилири Олимпиада вӗҫленнӗ хыҫҫӑн Ульяновск облаҫӗ паттӑр чӑваш хӗрне УАЗ "Патриот" парнеленӗччӗ. 
Паллă спортсменкăна эпир те саламлатпăр!