Чăваш вырсарни шкулӗ вӗренӳ çулне пуçларӗ
Сентябрӗн 11-мӗшӗнче Халăхсен Туслăхӗн Çуртӗнче чăвашсем нумайăн пуçтарăннăччӗ. Уйрăмах пӗчӗккисем. Мӗншӗн тесен 7-11 çулхисем валли унта вырсарни шкулӗн çӗнӗ вӗрентӳ çулӗ пуçланчӗ.
Чăваш уйрăмӗн вӗрентекенӗ Сильвия Чаркина пухăннă ачасемпе ашшӗ-амăшӗсене уроксен расписанийӗпе паллаштарчӗ. Кăçалтан уроксен шутне ӳстересшӗн, вырсарникун ачасен чăваш культурипе чӗлхине 4-шар сехет вӗренмелле пулӗ. Çавăн пекех вӗрентӳ программинче Хусанти музейсене кайса курасси те пур.
ТР ЧНКА Канашӗн Председателӗн пӗрремӗш çумӗ Константин Малышев ачасене вӗренӳ çулталăкӗ пуçланнă ятпа саламларӗ, вӗсене пылак парнепе савăнтарчӗ.
«Ми-ми-мишки» мультфильм серийӗсене чăвашла куçарас проекта пуçарса янă Алексеевсен çемйи те килнӗччӗ пӗрремӗш пухăва. Вӗсем проекта мӗнлерех пурнăçа кӗртни çинчен каласа пачӗç.
Следите за самым важным и интересным в Telegram-каналеТатмедиа
Нет комментариев