Кăштах кулса илмелӗх

* * *

Ресторанра.

– Официант, мӗншӗн эсир пур апата та сивӗнсен килсе паратăр? – кăмăлсăрланать Чăнкă Мирун.

– Эсир шурă эрех, винегрет, холодец, мороженăй заказ панă. Хăшне ăшăтса памалла? – тӗлӗнет официант.

* * *

– Кушак усрама илес килет, – тет Ахванеç.

– Чим-ха, тăхта. Кушак вăл – ӗмӗрлӗхе, малтан авланса пăхха эсӗ... – канаш парать Вӗçкӗн Ваççа.

* * *

Чăнкă Мирун, фирма директорӗ, тӗп бухгалтера хăй патне чӗнтерет:

– Фирмăна реорганизаци тунăран эп сире тав тума тата сывпуллашма чӗнтӗм.

– Мӗнле шел! Эсир хăçан каятăр вара пире пăрахса?..

* * *
Яка Кулине упăшкине:

– Якур, ыран эпир пӗрлешни 25 çул çитет. Çак ятпа сысна пусар мар-и?

– Сысна мӗнпе айăпа кӗнӗ вара?