News by tag - анекдоты
-
Кăштах кулăш
Пӗчӗк Петюкпа амăшӗ банкомат умӗнчен иртсе пыраççӗ. Амăшӗ: – Çиччас, укçа илетпӗр те лавккана кӗретпӗр, – ăнлантарать вăл ывăлне банкомата банк карттине чиксе хут укçа илнӗ май. – Анне, банкоматра атте ларать-им унта? – тӗлӗнет ывăлӗ.
-
Кăштах кулăш
Чипер Марине ирхине çывăрса тăрать те чӳрече патне пырать, аялалла пăхать. Асфальт çине: «Улькка, качча тух мана!» – тесе çырса хунине курсан савăнсах каять. Хăй Улькка ятлă маррине темиçе минутран çеç аса илет.
-
Кăштах кулăш
– Эп паян çӗнӗ супермаркета кӗрсе куртăм, – тет Яка Кулине. – Мӗнле вара? – тӗпчет Чипер Марине. – Зоопаркри пек: хаксем сикеççӗ, çыртаççӗ...
-
Кăштах кулăш
Экзаменра. Студент экзамен пыракан пӳлӗме кӗрет те преподавательсен умӗнчи сӗтел çинчен пӗр билет илет. Вулать те каялла хурать. Унтан теприне илет – каллех вуласа каялла хурать. Виççӗмӗш билетпа та çаплах пулса иртет. Вара хайхискер ним каламасăрах пӳлӗмрен тухать. Экзаменаторсем ăна «2» паллă лартасшăн. Анчах пӗр профессор хирӗçлет: – Ку студента «3» лартма юрать пек туйăнать. – Мӗншӗн? – Ну... хăвăрах куртăр, вăл мӗн-тӗр шырарӗ. Апла-тăк мӗн-тӗр пӗлет...